Karm keh lo ya karma, baat ek hi hai.
Hum sabne bachpan se suna hai – “Jo karo ge, wahi bharoge.”
Aur sach kahu toh is baat mein koi do-raaye hi nahi hai.
Karm chahe ache ho ya bure, unka hisaab zaroor hota hai.
Bas farq sirf itna hai ki kuch log apne karmo se darte hain,
aur isi dar ki wajah se koshish karte hain ki unke actions hamesha sahi rahein,
taaki aane wali zindagi sukoon se guzar sake.
Wahin doosri taraf kuch log hote hain,
jin par moh aur maya itna zyada haavi ho jaati hai
ki unhe karmo ka dar hi nahi rehta.
Unhe dar hota hai sirf is baat ka —
“Log kya kahenge?”
Aise log saamne meetha bolte hain,
aur peeth peeche zeher ghोल dete hain.
Sirf isliye taaki unka “acha insaan hone ka naatak” bana rahe,
chahe uske liye kisi ka bharosa todna pade
ya kisi ka dil dukhana pade.
Hum aksar sochte hain ki chhoti cheezein matter nahi karti,
lekin sach ye hai ki zindagi ka har chhota action ek bada role play karta hai.
Karm chhota ho ya bada —
har ek karm important hota hai.
Agar gehraai se dekha jaaye,
toh insaan ki zyada tar problems
usi ke apne karmo se judi hoti hain.
Log karmic chakron ko poora karne ke liye
bahut kuch kar jaate hain,
lekin ek cheez jo aksar bhool jaate hain —
Insaniyat.
Isi liye shastron me kaha gaya hai —
“Karmo se daro.”
Kyuki jo aaj tum kisi aur ke saath kar rahe ho,
kal wahi zindagi kisi aur roop me
tumhaare saamne khadi hogi.
Achhe Karam vs Bure Karam — Reality Check
Bohot log kehte hain, “Yaar humne thoda sa bura kya aur life ne double return de diya… par jo bade-bade galat kaam kar rahe hain, unko kuch kyun nahi hota?”
Sach thoda alag hai — har kisi ko apne karmo ka hisaab dena padta hai, bas har baar woh obvious nahi hota.
Kabhi health issues, kabhi kaam last moment pe ruk jana, kabhi paise aake bhi haath se nikal jana — yeh sab chhoti-chhoti signals hote hain. Par problem yeh hai ki insaan ek “special talent” leke aata hai — apni galti na dekhne ki kala! 😄
Jaise meri ek ex-neighbour aunty… full-time gossip department ki CEO! Har kisi pe nazar, har baat pe comment. Ab life ne unhe signals diye — health down, ghar mein tension — par aunty still in “main victim hoon” mode.
Life, Karma & Moral of the Story
Karma silent hota hai, par accurate hota hai.
Saza milti sabko hai… bas kuch log samajh jaate hain, aur kuch log “denial mode” mein hi reh jaate hain.
