“Struggle Ki Bhi Apni Kahani Hoti Hai: Har Jung Dikhai Nahi Deti”

Struggle ki apni ek kahani hoti hai.
Har kisi ki life me struggle hota bhi hai… aur kabhi-kabhi nahi bhi.
Par struggle unki life me zaroor hota hai jo kuch alag karna chahte hain,
jo apni situation ke victim nahi, winner banna chahte hain.

Sach to ye hai ki duniya sirf unhi ko yaad rakhti hai
jo struggle se jeet kar nikalte hain.
Baaki log bas kahaniyon ka hissa ban kar reh jaate hain.

India jaise desh me, jahan crores ki population hai,
yahan struggle ke hazaaron roop dekhne ko milte hain.

Koi roz bhooka na so jaaye, isliye struggle karta hai.
Koi apni grihasthi ko sambhalne ke liye lad raha hai.
Koi apne aas-paas ke logon se superior dikhne ka struggle kar raha hai.
Aur koi is rat race me bas ye soch raha hai ki aage kaise badhna hai.

Ye India hai bhaisaab…
Yahan apne ghar me aag lagi ho,
phir bhi log dusron ke ghar ki chingariyon ko bhi aag ki tarah dekhte hain.

Aaj social media par bahut se log
apni struggle stories ko dhindhora peet-peet kar sunate hain.
Wo log famous bhi ho jaate hain…
par sach ye hai ki sabse gehri struggle ki koi awaaz nahi hoti.

Roadside par jab chhote bachche,
school jaane ki umar me kooda uthate hue,
kaam karke sirf apna pet bharne ka struggle karte hain —
wo struggle ek alag hi level par hit karta hai.

Struggle and it’s Moral of the Story:

Struggle ek nahi hota,
uske kai roop hote hain.
Sab kuch depend karta hai ki
aap kaunsa struggle jee rahe ho… aur us struggle ka ant aap kaise likhna chahte ho.

Kisi ka struggle bahar se dikh jaata hai,
aur kisi ka andar hi andar chalta rehta hai.
Kabhi yeh career ka pressure hota hai,
kabhi rishton ka bojh,
aur kabhi khud se hi ek silent fight.

Par sach yeh hai — struggle hume todta nahi,
hume samajhdaar banata hai.
Woh hume sikhata hai patience, strength aur apni asli value.

Har phase permanent nahi hota,
aur har struggle ka ek end hota hai.
Farq sirf itna hai —
kuch log haar maan kar ruk jaate hain,
aur kuch log kahani badal dete hain.

Toh decide aapko karna hai…
aap apne struggle ke victim banoge,
ya uske author.