Sabse zyada agar koi class suffer karti hai na,
aur jiske dum par desh chal raha hai —
toh wo hai Middle Class
(low, middle aur upper-middle).
Tax bhi yahi deta hai.
Labour bhi yahin se aata hai.
Vote bhi yahi deta hai.
Lekin har government decision ka sabse pehla aur sabse gehra asar
agar kisi par padta hai —
toh wo Middle Class hi hota hai.
Note bandi ho ya 2016 ka demonetisation,
sabse zyada affect hua Middle Class.
Covid ho, elections ho, ya desh mein koi bhi durghatna,
kisi ka kuch jaaye na jaaye —
Middle Class ka sab kuch hila jata hai.
Fasal kharab hoti hai toh kisan ki jaan jaati hai —
aur poora desh prabhavit hota hai.
Lekin mehngai, double tax, EMI ka pressure —
yeh sab Middle Class aadmi roz roz jhelta hai.
Ghar lena aaj jitna “easy” lagta hai schemes aur loans ki wajah se,
utna hi mushkil hota hai
har mahine us ghar ki EMI bharna.
Sach kahun toh,
Bhagwan sab kuch banaye,
bas kisi ko Middle Class life mein na rakhe.
Shaadi ho, padhai ho,
job ho ya business —
Middle Class insaan aksar
apni ichchhaon ko maar kar
wo karta hai
jiska uske sapno se koi lena-dena nahi hota.
Aur irony dekhiye —
desh bhi Middle Class se chalta hai,
lekin sabse zyada underrated bhi yehi class hai.
