Songs… sirf songs nahi hote, balki zindagi ka ek bohot crucial hissa hote hain.
Har insaan ki life mein songs apna ek alag role play karte hain.
Kabhi koi song kisi ki yaadon ko zinda kar deta hai,
kabhi wahi song party mein jaan daal deta hai.
Dil toot jaye toh songs hi hote hain jo bina judge kiye humara sahara ban jaate hain.
Kuch songs aise hote hain jo serious baaton ko bhi itni simplicity se samjha dete hain ki dil tak baat pahunch jaati hai,
aur kuch songs bas bina matlab ke bhi mood fresh kar dete hain.
Songs sirf listeners ke liye important nahi hote, balki singers ke liye bhi wahi unki pehchaan ban jaate hain.
Ek awaaz, ek song – aur duniya yaad rakh leti hai.
Waise toh almost har kisi ko songs pasand hote hain.
Koi romantic sunta hai, koi sad, koi party, koi bhajan, toh koi hardcore gangsta vibes wale tracks.
Par sabse achi baat yeh hai ki —
insaan saath ho ya na ho, favourite songs hamesha saath rehte hain.
Aur haan, songs ki ek ajeeb si power bhi hoti hai.
Kuch songs bilkul hichki ki tarah dimag mein atak jaate hain.
Jab tak woh poora yaad na aa jaye, hum wahi ghoomte rehte hain — line by line, tune by tune.
Songs asal mein humein wahi feel karate hain jo hum already feel kar rahe hote hain.
Main jab koi romantic song sunti hoon, toh lagta hai jaise har ek line mere liye hi likhi gayi ho.
Aur jab main gangsta songs sunti hoon — jo honestly main kaafi zyada sunti hoon —
toh lagta hai jaise main already ek gangsta life jee chuki hoon.
Aur jab bhajan sunti hoon,
toh bas… aisa lagta hai jaise Bhagwan se mil hi chuki hoon.
Isi liye, bina kisi doubt ke kaha jaa sakta hai —
songs sirf entertainment nahi hote, songs emotions hote hain, memories hote hain, aur bohot baar toh therapy bhi.
Songs humari zindagi ke har phase mein, har mood mein, har kahani mein shaamil hote hain.
Aur shayad isi liye… songs hum sab ke liye itne personal hote hain.
