Kabhi-kabhi na, mujhe apne father ka pyaar irritate kar deta hai.
Haan, ye bolna thoda ajeeb lagta hai, thoda guilt bhi hota hai… par sach hai.
Itni parwah karte hain ki khud ki parwah karna bhool jaate hain.
Unka dard chalega, unki thakaan chalegi, unki health ignore ho jayegi —
bas unke bache ko kuch nahi hona chahiye.
Aur wo bacha?
Wo main hoon.
30–32 ki umar ki,
abhi bhi papa ke ghar baithi,
subah aloo ke paranthe,
raat ko mushroom duplex thus ke,
full aish mode mein.
Aur haan —
bilkul full-fledged berozgar.
Na apna ghar,
na IAS,
na koi medal,
phir bhi princess treatment on full volume.
Honestly?
I am super-duper lucky.
Par yaar… dukh hota hai.
Jaise parents apne bachon ko dukhi nahi dekhna chahte,
waise hi bachche bhi apne parents ko pain mein nahi dekh sakte.
Aur mere papa ka ek alag hi character hai.
Unka dusra naam ho sakta hai —
“Kaleshi Entertainment” 😅
Ghar mein sab kuch sahi hota hai,
koi serious problem nahi,
par issues uthte hain bilkul silly level ke.
Mummy ne daal banayi?
👉 “Sabzi honi chahiye.”
Sabzi banayi?
👉 “Daal kidhar hai?”
Dono bana di?
👉 “Kuch non-veg hota toh maza aa jata.”
Aur sabse legendary issue —
Lahsun (Garlic) 🧄
Ghar mein lahsun itna ho ki poora mohalla chal jaye,
par nahi…
“Is sabzi wale ka lahsun acha nahi, dusre se lena hai.”
Chahe uske liye
👉 beech road pe car khadi ho,
👉 traffic jam lag jaye,
👉 duniya ruk jaye…
Par lahsun best quality ka hi aayega.
Sach bataun?
Gussa bhi aata hai,
hansi bhi aati hai,
aur dil bhi bhar aata hai.
Kyuki ye kalesh nahi,
ye unka pyaar hai —
thoda awkward,
thoda dramatic,
par bilkul pure.
Har daughter ke liye
“Papa, Meri Jaan” hota hai ❤️
Bas kabhi-kabhi dil se bas itna hi nikalta hai:
Papa, aap khush raho…
par apni bhi thodi parwah kar liya karo.
Main blessed hoon,
aur bas yahi chahti hoon ke
mere parents ko wo saari khushiyan milen jo wo deserve karte hain —
bina kisi kalesh ke.
Papa , Pyar & Protection
Papa jaisa pyaar koi kar hi nahi sakta… unki protection, unki rok-tok, unki khamosh fikr — sab usi pyaar ke different forms hote hain. Shayad isliye woh hume un raste pe girne se bachana chahte hain jahan woh khud kabhi gire the. Aur haan, agar aapke papa ne kabhi aapko force nahi kiya, balki samjha — toh aap sach mein lucky ho. Kyunki har kisi ko aisa space nahi milta. Maine ek baat samjhi hai — asli pyaar control nahi karta, guide karta hai. Aur papa ka pyaar? Woh hume strong bhi banata hai… aur free bhi.
